Wednesday, July 05, 2006

التجا


یا الله!
زه چې کله هم ستا د عبادت لپاره ځان اوزګار کړم او ستا په سجده سر کېږدم، نو زما په ذهن کې ستا ذکر او یاد نه وي.
زما ذهن ددې فاني نړۍ په روزګار کې مشغول وي
ته په ما ښه پوهېږې چې زه د زړه او دماغ یووالی نلرم او یواځې په خوله ستا د ذکر څو شېبې تېروم
یا الله !
ته ډېر لوی ذات یې
ستا د لویۍ تر دې غوره ثبوت کوم کېدای شي چې ته زما پر ټولو ګناهونو پوهېږې او پرده پرې اچوې
او په دې وړه دنیاګۍ ما د عذاب او عتاب وړ نه بولې
يا الله ج
زه ستا ډېر وړوکی بنده یم،
ما ته په نېکۍ هدایت وکړه
ماته ستا د عبادت او ریاضت د لارښوونې لاره وښایه
يا الله!
ماته ستا د لوړ ذات د ستاینې او صفت توانايي راکړه، چې ستا د یوه رښتیني بنده وړتیا تر لاسه کړم او د قلم چلولو هنر راکړه چې په رښتینې توګه د انسانیت خدمت ترسره کړم.
آمین
ثم آمین

0 Comments:

Post a Comment

<< Home