غزل
زه د خاموشۍ په انتها کې را پیدا شومه
وای پر ما دې څه وکړل جانانه په غوغا شومه
روغ ومه رنځور دې کړم د مینې لېونی رنځور
داسې چې مثال د هر زمان په دا دنیا شومه
راغلمه بېخوده او بې سده ستا تر دره جان
درومم په مستۍ کې چې واری دې له خندا شومه
ستا د پام نظر ته دویم وارې حاجت پېښ نشو
ځار دې په لومړي ځل په وړه غوندې ادا شومه
ورک شوم لکه ښاخ د وچې ونې خو پیدا شوم بیا
زه په دغه ډول د جانان د لاس امسا شومه
مینه کې د مینې تر کماله رسېدلی شم
ځکه ایله نن خو له غزل سره اشنا شومه
جون ۱۹ ، ۲۰۰۶
<< Home