غزل
په شور كې راغله او چې تله په شور كې تېره شوله
ځواني لمبه لمبه هستي وه اور كې تېره شوله
خلك دې هر څه هر څه وايي چې مالدار مې ګڼي
مثال يې ياره زنده ګي وه پور كې تېره شوله
دلته يارانو چا د مينې نښانه كتله
وجود يې نه و، بس د زړونو زور كې تېره شوله
زه د حيرت په جزيرو كې ستا په لټه كې وم
هره شېبه مې د الفت په کور كې تېره شوله
ستا د کمال د زنده ګۍ کیسه همدا وګڼه
بس ملنګي وه چې د مینې تور كې تېره شوله
<< Home