له مینې تېښته

زه له مینې تښتېدمه
ټپرېدمه
چېرته نه چې بیا مین شم
په زخمي زړه بیا خوږمن شم
نو زه مخکې
مینه شاته
سرګردانه
لالهانده مې نفرت د جهان ولید
د نفرت په ګردله کې په توپان کې
زړه مې وسولید د مینې یوه نظر ته
د خوږمن زړګې دلبر ته
ما وې راشه
د دنیا کارونه پرېږده
نفرت پرېږده مینه خپله کړه جانانه
بېرته راغلمه په تللې لار راستون شوم
خو والله چې جګرخون شوم
ډېر زړه ستړی او پرخون شوم
مینه مخکې او زه شاته
چې دا ټول غرونه رغونه
سمې دښتې او سیندونه
مې غلبېل کړه
مینه مخکې وه زه شاته
هغه تېر واټن ددواړو تر منځ پاته