غزل
په اور کې لوبې کړي د اور په ژبه نه پوهېږي
ماشوم جانان مې د پېغور په ژبه نه پوهېږي
هغه نا اهل خدایه واخلې ژر له دغه غولي
چې کور کې اوسي او د کور په ژبه نه پوهېږي
ته که د ګل پر مخ پرتې پرخې ته بل څه وایې
ګل به حیران شي د انځور په ژبه نه پوهېږي
د دې نړۍ د زرورو زور به ټول شي اوبه
افغان په سوله کې د زور په ژبه نه پوهېږي
کمال چې ستا سترګو ته ګوري پکې ورک شي ګرانې
ستا د ککو د سپین او تور په ژبه نه پوهېږي
0 Comments:
Post a Comment
<< Home